Os obxectivos xerais desta proposta de innovación educativa van encamiñados a favorecer o desenvolvemento do plurilingüismo e de cidadáns máis comprometidos coa diversidade lingüística e cultural e son: Facilitar á integración das diversas linguas do alumnado autóctono e alóctono. Desenvolver a capacidade de reflexión metalingüística. Favorecer actitudes positivas cara as diferencias de expresión lingüística e cultural. Os obxectivos máis específicos do deseño das diversas actividades e tarefas para desenvolver nas aulas (Trebellando coas linguas) son: Implementar actividades de éveil aux langues (espertar ás linguas) que permitan un cambio de actitude tanto nas docentes como nos estudantes cara a diversidade lingüística e cultural. Autor da imaxe: Roi Zas (Nena vietnamita)
Este caderno explora prácticas docentes que colocan o foco na sensibilidade cara a diversidade lingüística e cultural. Co obxectivo de promover estas prácticas, a metodoloxía denominada Éveil aux langues (Espertar ás linguas) resulta de utilidade para deseñar e implementar actividades nas aulas que poñen en valor a diversidade lingüística e cultural do alumnado, das familias e da contorna do centro escolar.